Najmlađi minibasketaši, godište 08/09 bili su učesnici tradicionalnog međunarodnog turnira pod nazivom „Un canestro per Bologna“ . U gradiću nadomak Bolonje, proveli su 3 dana za pamćenje. 7 ekipa iz svih regija Italije, sjajna košarka, još sjajnija druženja zasigurno su ostavili veliki trag kod naših najmlađih. 

Na put smo krenuli sa najmlađom selekcijom koja je igrala tamo, a od 10 naših košarkaša bilo je 6 djevojčica. Svi su pokazali sjajnu igru, borbu i zalaganje. Za neke ovo su bile prve utakmice i prva putovanja.

Za napomenuti je, da iako se ovaj put nisu vratili sa medaljama, pokazali su da su na sjajnom putu da ih u budućnosti ne ostavljaju nikom. Mi smo ponosni na njih, na ono ko su, šta su i kako nas predstavljaju. Pohvale na račun njihove igre, njihovog zajedništva, njihovog ponašanja na terenu a i van njega, njihovog vaspitanja „pljuštale“ su sa svih strana. Srce da bude puno roditeljima, trenerima a i svim sugrađanima. Kako su se tamo proveli naši najmlađi, možete pogledati u bogatoj fotogaleriji.

Mi čestitamo Liderićima, a domaćinima se zahvaljujemo na pozivu, na domaćinstvu, na svakom sekundu koji su Lideri i Liderići proveli u njihovoj državi, i njhovom Lizzano in Belvedere . Ma che bella Italia !!!